Louis en Hettie Brittz van is in Nieu-Seeland en kom Christchurch toe op Sondag 10 Julie. Louis is 'n besonderse sanger en prediker.

Louis en Hettie sal Sondag 10 Julie om 9:30 vm en weer 6:00 nm by die Bishopdale se Sewendedagse Adventiste Kerk h/v Breens Rd en Bonita Place Bishopdale wees.

Louis Brittz sal die oggend sing en praat oor die betekenis van 'God met ons' en Hettie sal die aand om 6:00pm getuig en praat oor 'Vreesloos, vry!' - Innerlike genesing. en Louis sal ook weer die aand sing.

Dit is nie net vir die ACK lidmate nie maar alle Suid-Afrikaanse mense wat wil kom, almal is welkom. Dit is gratis, maar gee asseblief 'n donasie.

Biblioteekdienste in Christchurch is as gevolg van die 22 Februarie aardbewing meestal opgeskort en slegs vier van die 18 biblioteke in die Christchurch biblioteeknetwerk is op die oomblik oop:  Akaroa, Bishopdale, Little River en South Library.

Daar mag meer biblioteke beskikbaar raak, hou due volgende dop om op hoogte te bly:

http://canterburyearthquake.org.nz

http://christchurchcitylibraries.com/Community/Emergency/Earthquake

http://twitter.com/christchurchlib

Die ander  Christchurch City Libraries is gesluit tot verdere kenninsgewing - insluitende Central wat in die Red Zone val, en waar oa die Afrikaanse boekversameling gehou word.

Die Christchurch Biblioteek het die datum waarop boeke ingehandig moet word verleng tot 1 Mei  2011. Geen boetes word gehef vir die tydperk na 22 Februarie. Hulle verkies dat boeke en items tuis gehou word tot die biblioteke oop is.

Ons stad is tans stukkend maar wanneer dit rof gaan, kom die mooiste van mense dikwels na vore.

Christchurch het onlangs baie sleg deurgeloop onder aardbewings en naskokke. Daar was onder andere die 7.1 aardbewing op 4 September 2010 wat bekend staan as die "Darfield, Canterbury Quake", die 4.9 aardbewing op 26 Desember 2010 wat veral in die middestad skade veroorsaak het en bekend staan as die "Boxing Day Quake", en dan was die verwoestende 6.3 "Christchurch Quake" op 22 Februarie 2011 wat veral die middestad verwoes het en ongeveer 200 lewens geeis het en baie beserings veroorsaak het.

Elke Christchurcher is daardeur geraak en ons wil ons simpatie uitspreek aan almal wat verliese gely het - of dit nou is dat 'n vriend of familielid dood of beseer is, jy jou huis en of besittings verloor het, jy jou werk of besigheid verloor het, dat ons rou oor ons stad wat anders lyk nou as die stad waarvoor ons lief geraak het. Dit is 'n uitdaging vir onsself en vir ons om ons kinders te help om om die sielkundige impak van die trauma van die aardbewing te verwerk. Behalwe dat baie van ons mooi landmerke, erfenis en historiese geboue weg is, gaan die demografie van ons stad en voorstede ook verander en dalk die stad kleiner maak omdat dit blyk dat daar mense is wat hulle elders gaan vestig / reeds gaan vestig het.

Desondanks alles, is ons is nog steeds lief vir ons mooi stad wat ons tuiste is, en is nie op hierdie stadium van plan om wortels uit te trek nie. Ons beplan om ons deel te doen om te help om die stad te herbou, en vind dit opbeurend om te hoor hoe mense praat oor hoe hulle hoop die nuwe middestad sal lyk.

Ons vind dit wonderlik om in hierdie moeilike tyd te sien hoe Nieu Seelanders saamstaan om Christchurch weer op die been te kry. Ons is baie dankbaar vir almal wat help om die stad veilig te maak, vir die helde wat lewens gered het en die helde wat sorg vir die mense wat meeste geaffekteer is. Dankie ook aan almal wat ruim bygedra het en nogsteeds bydra aan verskillende fondse om die heropbou van die stad en sy mense te steun, soos die Rooi Kruis, die Heilsleer en geld aan nog instansies soos sommige plaaslike kerke wat dit gebruik het om kos en behoeftes te koop om te versprei onder mense wat die grootste behoefte daaraan het. Die groot hoeveelheid boodskappe van ondersteuning help ook baie.

Dit is opmerklik hoe Kiwis nie net hulle huise oopmaak vir mense sonder huisvesting nie, maar ook hoe kerke, organisasies, skole en besighede hulle geboue met ander deel.

By supermarkte en winkels wat oop is, is inligting om mense se lewens makliker te maak. Een so 'n pamflet met inligting in met wenke en advies om na jounself om te sien in hierdie moeilike tyd, gaan ek kopieer:

-oOo- 

From: New Zealand College of Clinical Psychologists (NZCDP)
Christchurch Earthquake, Taking care of yourself

Routines "Famililiarity is comforting"
Keep up normal activities
Treasure familiar things

Stay connected "We need each other"
Stay in touch with family and friends
Take moments to giver others your full attention
Listen and answer children's questions simply
Be brave for each other
Ask for and accept help

Save your energy "Keep it for important things"
Lower expectations of yourself and others
Take breaks and lighten your workload
Be tolerant of yourself and others
Lots of things can wait
Children may act younger - that's ok for a while

Lifestyle "Balance is healthy"
Stay active, e.g. go for a walk
Relax - take a break
Limit alcohol
Try to get enough sleep
Try to eat well
Do something nice for yourself

Safety "Protect yourself in every way"
Limit exposure to earthquake news, e.g. TV
You are not helpless - remember the things you do well
Take care of your spiritual and emotional health
It is ok to be emotional

For extra support contact your GP, or phone the Government helpline 0800 779 997
or go to www.canterburyearthquake.org.nz"

-oOo-

Ons stad is tans stukkend maar wanneer dit rof gaan, kom die mooiste van mense dikwels na vore.

Meeste kerke is Christus se hande en voete in hierdie moeilike tyd, met boodskappe soos hierdie:
"Just to let you know, if you are living somewhere that has water and power, and desperately want to help but don't know how, you can drop donations of non-perishable food, baking etc to Church. We are running a distribution centre taking essentials and meals into Dallington, Brighton, Aranui. There are also teams going out digging silt. You can volunteer if you want to"

Ek glo mens is altyd presies waar jy moet wees en al kan mens nie oral help nie kan jy tog 'n verskil maak. Dalk deur ietsie te bak of water en 'n warm ete te vat vir die wat nie het nie. Bied jou skouer aan vir iemand om op te huil, speel babawagter vir iemand wat 'n breek nodig het, of gee vir iemand 'n bed om op te slaap. Jy mag dalk jou hande en kruiwa gee om fisies te help - heelwat groepe gaan uit om te help om silt skoon te maak . Daar is verskeie organisasies en fondsinsamelings waar jy kan aansluit of gee. As jy ver bly, is daar formele aardbewingfondsinsamelings - soos die Rooikruis, Heilsleer en die Government Earthquake Appeal. Maar die grootste versoek is om vir Christchurch en die mense van Nieu Seeland te bid.

As jy in die posisie is dat jy hulp nodig het, moenie huiwer om te vra nie - meeste mense wil graag help.

Lees gerus hierdie mooi inskrywing wat ek raakgelees het taranakichristen.blogspot.com/2011/02/n-stad-in-puin-maar-nie-my-geloof-nie.html

En dan kom die Kiwis se sin vir humor ook uit:

"Won't you take me to a munted town, munted town #pseudoecho #eqnzpickuplines" - @bronmarshall via Twitter

"The technical term is `munted'. There's mega-munt, medium-munt and minor-munt" - Bob Parker, Christchurch se burgermeester.

("Munted" is slang for "ruined".)

Safari Meats, die Suid-Afrikaanse slaghuis en winkel in Linwood, is nogsteeds oop oorkant die Eastgate sentrum, en dit is beslis die rit werd om by hulle te gaan koop.

Klein besighede wat in beskadigde dele van die stad is sukkel om kop bo water te hou. Party se persele is beskadig en moet na nuwe persele soek, of bedryf besigheid van die huis af. Ander se winkels is ongeskonde maar klandisie is skrikkerig as gevolg van hul bure se skade, en gaan liewer na die groot winkelsentrums toe.

Ons dink dit is noodsaaklik om die klein besighede te ondersteun, want elkeen wat toemaak beteken dat hul werknemers ook hulle inkomste verloor en benadeel Christchurch se ekonomie verder.

Dit is belangrik om ten alle tye voorberei te wees op 'n noodgeval. Civil Defense doen baie moeite om mense bewus te maak van wat hulle vooraf moet doen om voorbereid te wees vir noodgevalle. Die belangrikste seker is om genoeg water te stoor vir as daar 'n probleem is met watervoorsiening.

Inligting oor hoe om deur die krisis te kom: http://www.getthru.govt.nz/web/GetThru.nsf/web/BOWN-7GZTZF?OpenDocument

Meer oor die Christchurch Earthquake Appeal: http://www.stuff.co.nz/about-stuff/4723548/Christchurch-Earthquake-Appeal

Vir opdaterings oor die huidige situasie: http://www.civildefence.govt.nz/

Vir eise: http://www.eqc.govt.nz/

Vir meer aardrykskundige inligting oor aardbewings en natuurrampe in NZ, lees gerus
http://www.geonet.org.nz/canterbury-quakes/
http://www.christchurchquakemap.co.nz/today

Waar: Taringatura Camp, between Dipton and Centre bush, 809 South Hillend-Dipton Road, Dipton West

Hoe laat: Na 6pm (teen 'n klein ekstra koste kan mens die dag vooraf arriveer om daar uit te kamp)

Koste: $10 per gesin & $10 per grootmens, $6 per kind (bring eie beddegoed / slaapsak)

Bring: Slaai of nagereg (laat weet vir Mary wat jy beplan om
te bring)

Kontak Mary of Pottie: marysg616@yahoo.co.nz

Bespreek voor 20 Mei 2010.

Die Afrikaanse Klub van Nieu-Seeland bring Dozi na Nieu-Seeland in Oktober 2010.

Die hoofkonsert is in Auckland op Saterdagaand 16 Oktober.

Vir meer inligting, kontak Die Afrikaanse Klub die.afrikaanse.klub@clear.net.nz.

Vir die Suid-Eiland been van sy toer is die inligting soos volg:

Christchurch

Op Saterdag, 23 Oktober 2010 tree Dozi op by die Aurora Centre Auditorium, Burnside, High School, 152 Greers Road, Burnside.

Kontakpersone:
Chris Basson (021 186 9703) van Safari Meats, 5 Buckleys Road, Linwood.
Werner Allers (027 389 6007) wj.allers@xtra.co.nz

Ashburton

Op Sondag, 24 Oktober tree Dozi in Ashburton op by die Ashburton Trust Event Centre, Wills Street 211, Ashburton (voorlopig 4 nm)

Kontakpersoon: Jan Joubert 03 302 6647 / 021 109 8941 of
jhjoubert@xtra.co.nz

 

1 Mei 2010

7 nm - middernag

Templeton Community Centre, 62 Kirk Rd, Templeton, Christchurch

Toegangsfooi: $10 per persoon, kinders onder 12 gratis.

Bring jou eie eet- en drinkgoed. Daar behoort biltong en droewors beskikbaar te wees om te koop

Geen hoëhakskoene nie asseblief.

Navrae by Werner en Jeanine Allers

(03) 347 3346, wj.allers@xtra.co.nz

Kaartjies moet vooraf bespreek en aangekoop word by Chris en Magda Basson, Safari Meats, 5 Buckleys Road, Linwood, Christchurch. Spring gou - daar is net 'n beperkte hoeveelheid kaartjies beskikbaar.

 

Marlene en Cornelius Isaks bied 'n tweetalige radioprogram aan op Plains FM 96.6, in Afrikaans en Engels, met nuus van Suid-Afrika, inligting oor plaaslike gebeure, onderhoude, en oa Afrikaanse musiek. Sondae se program is het 'n Christelike tema.

Uitsaaitye:

South African Flava: elke Dinsdag 10:00 vm tot 10:55 vm

South African Sunday Flava: Sondae 2:00 nm tot 2:25 nm.

Steve Hofmeyr kom terug na Nieu-Seeland en tree onder andere op die Suid-Eiland op.

Steve se konserttoer deur Nieu-Seeland is ‘n privaatonderneming deur Thys Oosthuizen met ondersteuning deur Fritz Swart. Vir meer inligting, kontak vir Thys Oosthuizen by togo@clear.net.nz.

Christchurch

Op Saterdag, 22 Mei 2010 tree Steve op by die Aurora Centre Auditorium, Burnside
High School, 152 Greers Road, Burnside.

Kaartjies beskikbaar by Chris Basson (van Safari Meats) en Werner Allers:

Werner Allers (027 389 6007) wj.allers@xtra.co.nz

Chris Basson (021 186 9703) van Safari Meats, 5 Buckleys Road, Linwood, Christchurch. Tel 03 389 7703

Koste: Volwassenes en kinders bo 12 jr $25, kinders 6 tot 12 $15 en onder 5 gratis.

Ashburton

Op Sondag 23 Mei tree Steve in Ashburton op by die Ashburton College
Auditorium, Wallnut Avenue, Ashburton

Kontakpersoon: Jan Joubert 03 302 6647 / 021 109 8941 of jhjoubert@xtra.co.nz

Kaartjies is beskikbaar by Henriette by UFS Apteek, East Street, Ashburton 03 308 6661 of Howard Andrew 027 392 6945/308 5253.

Koste beloop: Volwassenes $22, kinders 12 en onder $15

Net 'n herinnering vir almal wat Afrikaans-lesend is en in Christchurch woon, dat die "Central Library", in Gloucester Street Afrikaanse boeke, tydskrifte en CD's beskikbaar het vir ons om uit te neem sedert 2008.

Dis 'n klein versameling, maar daar 'n paar Afrikaanse kinderboeke en storie CD's in die kinderbiblioteek op die grondvloer. Op die eerste vloer by die World Language Collection is daar 'n paar Afrikaanse boeke (fiksie en nie-fiksie) en tydskrifte. As jy 'n biblioteeklid is, mag jy dit gratis uitneem. Boeke word vir 'n maand uitgeneem en tydskrifte word vir 'n korter periode uitgereik.

As jy nie kans sien om stad toe te gaan nie, kan jy boeke via hul webwerf bestel met jou biblioteekkaartjie. Daar is 'n klein koste aan verbonde maar die boek sal dan na jou plaaslike biblioteektak gestuur word sodat jy dit daar kan kry. Boeke kan ook by enige Christchurch City Library tak ingehandig word.

Blykbaar is daar nogal baie beweging in die versameling van tyd tot tyd, maar dit
klink asof baie mense nie bewus is dat die kinderboeke geskuif het nie en daarom lyk of dit nie baie gebruik word nie. Hoe meer ons dit gebruik, hoe groter is die kans dat die versameling uitgebrei kan word. Daar is hoeka nou 'n klompie nuwe boeke op pad wat die Biblioteek vir ons Afrikaanse lesers bestel het.

As jy Afrikaanse boeke het waarvan jy wil ontslae raak, kontak my gerus vir meer inligting by marietjie@swart.co.nz As dit nuwerige boeke is (boeke wat in 'n goeie toestand is en wat jonger as 3 jaar is) kan dit in die versameling opgeneem word. As dit ou boeke is, kan dit dalk geskenk word aan die biblioteek se World Language Collection. (Die biblioteek verkoop ou boeke teen 'n nominale bedrag vir stuiwing van hul fondse.)

Die biblioteek reageer graag op terugvoer, en by die boekrak is 'n terugvoer boksie waarin jy dit kan pos. Terugvoer kan wees om probleme of komplimente deur te gee, asook om te se watter boeke jy graag in die versameling wil sien indien daar weer nuwe boeke aangekoop word.

Op Saterdag 13 Maart 2010, tussen 12 en 4 nm, vind die jaarlikse Culture Galore fees weer plaas in Ray Blank Park, Maidstone Road in Avonhead.

Culture Galore word deur die Stadsraad gereel vir verskeie etniese groepe wat in Christchurch woonagtig is, en maak deel uit van die Summer Time.

Daar is allerlei kos en kuns te koop beskikbaar van verskeie van die etniese groepe wat in Christchurch woonagtig is. Dit klink of daar oa boereworsbulle op die spyskaart gaan wees ;-)

Dalk wil jy self ietsie verkoop - kontak gerus een van die SAFONZ organiseerders:
Werner Allers wj.allers@xtra.co.nz
Chris Basson safarimeats@ihug.co.nz
Pieter Brink brinkies@xtra.co.nz